वर्धा - जिल्ह्यातील कारंजा तालुक्यातील ठाणेगाव जवळ मजूर घेऊन जाणाऱ्या वाहनाचा अपघात झाल्याची घटना आज (१३ मे) सकाळी सहा वाजण्याच्या सुमारास घडली. यामध्ये ४ जण गंभीर जखमी, तर काही किरकोळ जखमी झाले आहेत. जखमींवर जिल्हा सामान्य रुग्णालयात उपचार करण्यात आले.
वर्धेत मजुरांच्या वाहनाचा अपघात, ४ जण गंभीर जखमी
भिवंडी येथून ३३ मजुरांना घेऊन कंटेनर इलाहाबादला जात असताना राष्ट्रीय महामार्ग सहावर सकाळी अपघात झाला. यावेळी चालकाला डुलकी आल्यामुळे वाहनावरील नियंत्रण सुटले आणि वाहन दुभाजकावर धडकून उलटले. यामध्ये असलेले प्रवासी किरकोळ जखमी झाले. तसेच चौघे गंभीर जखमी झाल्याने त्यांना वर्धेच्या जिल्हा सामान्य रुग्णालयात उपारासाठी दाखल करण्यात आले.