वर्धा - वर्ध्यातील तळेगाव पोलीस स्टेशन अंतर्गत नागपूर-अमरावती महामार्गावर पेट्रोलिंग सुरू होती. दरम्यान १२ गोवंश जनावरांना कत्तलखाण्याकडे एका वाहनातून नेण्यात येत होते. पोलिसांनी पाठलाग केला असता चिस्तूर भागातील अफजलपूर शिवारात आरोपी वाहन सोडून फरार झाले. यामुळे कोंबून नेत असलेल्या ६ गाई आणि ६ कारवडची सुटका झाली.
कत्तलीसाठी नेण्यात येणाऱ्या गायींची सुटका
याप्रकरणी तळेगाव पोलिसांनी गुन्हा दाखल करत शोध सुरू केला आहे. मालवाहू वाहनातून गायींना कोंबून नेत असल्याची माहिती पोलिसांना मिळाली. या आधारे संशयित गाडीचा पोलिसांनी पाठलाग सुरू केला. दरम्यान अंधाराचा फायदा घेत आरोपी राष्ट्रीय महामार्ग सोडून चिस्तूर भागातील अफजळफूर शिवारात वाहन सोडून पसार झाले.