वर्धा - वर्धा तालुक्यातील वायगाव बोरगाव आलोडा रस्ता जीवघेणा ठरत आहे. मागील एक वर्षपासून येथील रस्ता खचत चालला आहे. मात्र, याकडे दुर्लक्ष केले जात आहे. पावसाळ्याच्या दिवसात हा रस्ता केव्हाही जीवघेणा ठरू शकतो. त्यामुळे याकडे जिल्हा परिषद प्रशासन लक्ष देईल का ? असा प्रश्न उपस्थित होत आहे.
वर्ध्यात पावसाळ्यात खचलेल्या रस्त्यावरून जीवघेणा प्रवास सुरुच
वायगावकडून बोरगाव आलोडाकडे जाणारा रस्ता पूर्णपणे खचलेला आहे. तसेच पुलालगतचा भाग भर पावसाच्या पाण्याने वाहून गेल्याने रस्ता एक काठ पूर्णतः खचला आहे. याठिकाणी वर्षभरापूर्वीच सिमेंट काँक्रीटची भिंत उभारली. मात्र, त्यानंतरही परिस्थिती जैसे थे आहे. वारंवार सांगूनही याकडे दुर्लक्ष केले जात असल्याचा आरोप गावकरी करत आहेत.