वर्धा - वर्ध्याच्या रेल्वे स्थानकावर चाकू दाखवून एका प्रवाशाला लुटल्याचा प्रकार 28 मे रोजी पहाटे 6 वाजता घडला. विशेष म्हणजे हा चाकू दाखवणारा ऑटोचालक आणि त्याचा मित्र होता. अकोल्याच्या प्रवाशी असून त्याला हिंगणघाटला जाण्यासाठी बस नसल्याने ज्या ऑटोत रेल्वेस्थानक पर्यंत प्रवास केला, त्याच ऑटोचालकाने मित्रासोबत प्रवाश्याला चाकूचा धाक दाखवून ( Auto rickshaw driver robbed one In wardha ) लुटले. श्रीकांत तिवारी, असे पीडित व्यक्तीचे नाव आहे. यामुळे बाहेर गावरून येणारे प्रवाशी असुरक्षित असल्याचे दिसून येत आहे. यामुळे पोलिसांनी या चोरट्याना धडा शिकवण्याची गरज आहे.
या घटनेनंतर श्रीकांत तिवारी शहर पोलिसांत तक्रार दिली. यात चाकूचा धकावर त्याच्याजवळ असलेली सोन्याची अंगठी आणि रोख असा एकूण 23 हजार रुपयांचा मुद्देमाल लुटला. यानंतर पोलिसांनी तात्काळ दखल घेत पोलीस पथकाने शोधमोहीम सुरू केली. यावेळी काही तासातच विक्की सोळंकी ( रा. इतवारा आणि सुरज गिरी वय 19 रा. वाशीम ) याला पोलिसांनी ताब्यात घेत रोख आणि सोन्याचा ऐवज परत मिळवला.