नागपूर- वर्धा जिल्ह्यातील हिंगणघाट येथे नांदोरी चौकात प्राध्यापक तरुणीला जीवंत जाळण्याचा प्रयत्न केल्याची घटना आज सकाळी साडेसात वाजण्याच्या सुमारास घडली आहे. पीडित तरुणी ही 28 टक्के भाजली असून तिच्यावर नागपुरातील खासगी रुगणालयात उपचार सुरू आहेत.
वर्धेतील 'त्या' पीडितेवर नागपुरात उपचार सुरू
हिंगणघाट शहरातील नांदोरी चौकात घडलेल्या या अमानुष घटनेत पीडित तरुणीला गंभीर दुखापत झाली आहे. आज सकाळी गावावरून ही तरुणी बसने हिंगणघाट येथे आली. नांदोरी चौकात बसमधून उतरल्यानंतर ती महाविद्यालयाकडे जात असताना विकेश नगराळे या तरुणाने तिच्या अंगावर पेट्रोल टाकून तिला जीवंत जाळण्याचा प्रयत्न केला. तरुणीच्या ओरडण्याचे आवाज ऐकून स्थानिक नागरिकांनी तिला वाचवण्यासाठी धडपड केल्याने मोठा अनर्थ टळला आहे.