पाण्याच्या नियोजनासाठी शहराच्या काही भागातील पाणी पुरवठ्यात कपात

पाणी पुरवठ्याचे नियोजन करण्यासाठी ठाणे महानगरपालिकेला स्टेम कडून होणारा पाणी पुरवठा शहरातील काही भागात बुधवार ते गुरुवार दरम्यान बंद असणार आहे.

ठाणे - 'स्टेम वॉटर डिस्ट्री अँण्ड इन्फ्रा कंपनी' द्वारे पाणी पुरवठ्याचे नियोजन करण्यासाठी ठाणे महानगरपालिकेला स्टेमकडून होणारा पाणी पुरवठा बुधवार दिनांक 19 जून 2019 रोजी सकाळी 9.00 ते गुरुवार दिनांक 20 जून 2019 सकाळी 9.00 पर्यंत बंद राहणार आहे. यामूळे शहरातील काही भागात बुधवारी पाणी पुरवठा बंद राहणार आहे.

ठाणे महानगरपालिकेच्या स्वतःच्या पाणी पुरवठ्याचे नियोजन करून बुधवार दिनांक 19 जून 2019 रोजी सकाळी 9.00 ते गुरुवार दिनांक 20 जून 2019 सकाळी 9.00 पर्यंत शहरातील घोड़बंदर रोड़, पातलीपाड़ा,पवार नगर, कोठारी कम्पाऊन्ड़, गांधीनगर, इंदिरानगर, श्रीनगर, लोकमान्यनगर, समतानगर, ऋतूपार्क, सिद्धेश्वर,जेल,साकेत, उथळसर, रेतीबंदर, मुंब्रा, कोळीवाडा, शैलेशनगर, संजय नगर व कळव्याचा काही भागात पाणी पुरवठा बंद असेल.

या शटडाऊनमुळे पाण्याचा पुढील एक ते दोन दिवस कमी दाबाने पुरवठा होणार आहे. यामुळे नागरिकांनी पाण्याचा योग्य तो वापर करुन पालिकेस सहकार्य करावे असे आवाहन पाणी पुरवठा विभागाने केले आहे.