Thane Crime : अंमली पदार्थ, जिवंत काडतुसांसह दोघे जाळ्यात; ठाण्यात गुन्हे शाखेची कारवाई

ठाणे येथे गुन्हे शाखा युनिट-१ च्या पथकाने सापळा (crime branch action in Thane) रचत, अंमली पदार्थ, जीवंत काडतुसांसह दोन जणांना ताब्यात (Two arrested) घेतलं. विश्वसनीय सुत्रांच्या माहितीच्या आधारे हि कारवाई करण्यात आली.

ठाणे :मुंब्रा वाय जंक्शनवर एमडी, अंमली पदार्थ विक्रीसाठी येणार असल्याची माहिती ठाणे येथे गुन्हे शाखा युनिट-१ ला मिळाली. विश्वसनीय माहितीच्या आधारावर शुक्रवारी दुपारी पोलीस पथकाने दोघा आरोपींना सापळा रचून अटक केली. त्यांच्याकडून ४ लाख २३ हजार ५०० रुपयांचा मुद्देमाल हस्तगत केला. यात १०७ ग्रॅम एमडी, अंमली पदार्थ पावडर, १ अग्निशस्त्र आणि ९ जिवंत काडतुसे आणि ३ चॉपर असा मुद्देमाल हस्तगत करण्यात (crime branch action in Thane) आला.

असा रचला सापळा : शुक्रवारी दुपारी २ वाजण्याच्या सुमारास मुंब्रा वाय जंक्शन मुंब्रा ठाणे येथे गुन्हे शाखा युनिट-१ च्या पथकाने सापळा रचला. खबऱ्याने दिलेल्या माहितीवरून सावजाची पोलीस पथक वाट पाहत होते. काही वेळातच वाय जंक्शन उड्डाण पुलाच्या खाली, मुंबा शिळफाटा रोड, मुंब्रा, ठाणे येथे आरोपी अभिषेककुमार गुप्तेश्वर महतो, वय ३२, रा. रूम नंबर २, ओम साई लिला चाळ, विष्णु पाटील नगर, टाटा पॉवर रोड, साबे गांव, दिवा पुर्व, ठाणे, आरोपी विजय बहादुर मडे, २० रा. गणराज पॅलेस, ए विंग, रूम नं. ४०८, एन आर नगर, दिवा (पश्चिम) ता जि. ठाणे आले. दबा धरून बसलेल्या पोलीस पथकाने आरोपींना जेरबंद केले.

त्यांची झडती घेतल्यानंतर त्यांच्याकडे ३ लाख २१ हजाराचे १०७ ग्रॅम एमडी, अंमली पदार्थ सापडला. तर सोबत एक अग्निशस्त्र, ९ जीवंत काडतूस आणि १ चॉपर असा ४ लाख २१ हजार ५०० रुपयांचा मुद्देमाल पोलिसांनी आरोपी अभिषेक कुमार महंतो याच्या घराची झडती घेतल्यानंतर दोन चॉपर आढळले. या दोन्ही आरोपीच्या विरोधात मुंब्रा पोलीस ठाण्यात बेकायदेशीर अंमली पदार्थ बाळगणे, प्रकरणी गुन्हा दाखल करण्यात आला.

एक आरोपी अभिषेक हा सराईत :अटक केलेल्या आरोपींपैकी अभिषेक कुमार महंतो हा यापूर्वी भादंवि ३०७ सारख्या गंभीर गुन्ह्यात सहभागी होता. तर न्यायालयाने त्याला जीवे ठार मारण्याचा प्रयत्न प्रकरणी गुन्ह्यात शिक्षा झाली होती. शिक्षा भोगून अभिषेक बाहेर पडला होता. पुन्हा गुन्हेगारी कारवायात सहभागी झाल्याची माहिती समोर आलेली आहे.