ठाणे- मध्य रेल्वे मार्गावर सर्वाधिक गर्दीचे असलेल्या डोंबिवली रेल्वे स्थानकाच्या फलाटालगत ट्रक उलथल्याने प्रवाशांमध्ये खळबळ उडाल्याची घटना समोर आली आहे. सुदैवाने या घटनेत कोणालाही दुखापत झाली नाही. मात्र ट्रकचे मोठ्याप्रमाणात नुकसान झाल्याचे दिसून आले.
माहिती देताना ट्रकचालक
वाढत्या गर्दीमुळे मध्यरेल्वेच्या मार्गाचे विस्तारीकरण सुरू असून याच पार्श्वभूमीवर डोंबिवली रेल्वे स्थानकाचे झपाट्याने फलाट तसेच नवीन पादचारी पुलाचे काम सुरू आहे. याच कामासाठी दिवसागणिक वाळू, खडी, सिमेंट, आदी बांधकाम साहित्य घेऊन येणाऱ्या सुमारे ५० ते ६० ट्रकची आवाजावी सुरू असते. असाच एक ट्रक खडी भरून रेल्वे स्थानकाच्या १ क्रमांक फलाटालगतच आज दुपारी दीड वाजल्याच्या सुमारास जात होता.