नवी मुंबई- नवी मुंबईत कोरोनाग्रस्त रुग्णांची संख्या दिवसेंदिवस वाढत असून 18 हजारांचा टप्पा ओलांडला आहे. कोरोनाशी लढा देण्यासाठी टाटा उद्योग समूह पुढे आला असून त्यांच्या माध्यमातून 1 कोटी 77 लाख रुपयांची वैद्यकीय साधने महापालिकेला पुरविण्यात आली आहेत.
कोरोना विरोधातील लढ्यासाठी टाटा उद्योग समुहाकडून नवी मुंबई महापालिकेस मदतीचा हात - नवी मुंबई महापालिका बातमी
नवी मुंबईत कोरोनाग्रस्तांचा आकडा दिवसेंदिवस वाढतच चालला आहे. यामुळे टाटा उद्योग समुहाने नवी मुंबईला मदतीचा हात दिला आहे. या समुहाच्या माध्यमातून 1 कोटी 77 लाख रुपये किंमतीची वैद्यकीय सुरक्षा साधने पुरविण्यात आली आहेत.
navi mumbai municipal corporation
नवी मुंबईत कोरोनाग्रस्त रुग्णांची संख्या वाढली असून 18 हजरांपेक्षा अधिक कोरोनाबाधित रुग्ण नवी मुंबई महापालिका हद्दीत सापडले आहेत. शनिवारी (दि. 8 ऑगस्ट) नवी मुंबईत 455 नवे कोरोना पॉझिटिव्ह रुग्ण आढळले आहेत. नवी मुंबईत वाढती कोरोनाबाधित रुग्णांची संख्या पाहता टाटा उद्योग समूह पालिकेच्या मदतीला धावून आले असून, टाटा इंटरनॅशनल लिमिटेड यांच्या माध्यमातून 1 कोटी 77 लाख रकमेची वैद्यकीय सुरक्षा साधने देण्यात आली आहेत. यामध्ये 10 हजार 500 नग एन 95 मास्क, 10 हजार सर्जिकल मास्क, 10 हजार 80 पीपीई किटस, 2 हजार मेडिकल गॉगल्स, 2 हजार हॅण्डग्लोव्हज्, 7 हजार शू-कव्हर, अशी विविध सुरक्षा साधने देण्यात आली आहेत. या साधनांचा कोरोना योद्ध्यांना मोठ्या प्रमाणावर उपयोग होणार आहे, असे नवी मुंबई आयुक्त अभिजित बांगर यांनी सांगितले.