ठाणे -बायकोला माहेरी पाठवल्याच्या रागातून जन्मदात्या आईची निर्घृण हत्या केल्याची धक्कादायक घटना घडली. ठाणे जिल्ह्यातील कल्याण-भोईवाडा परिसरात घडली. या प्रकरणी बाजारपेठ पोलिसांनी अमन मुल्ला (२८) या आरोपीला अटक केली आहे. रुक्साना मुल्ला (वय ६२) असे मृत महिलेचे नाव आहे.
बायकोला माहेरी पाठवल्याच्या रागातून जन्मदात्या आईची निर्घृण हत्या केल्याची धक्कादायक घटना ठाण्यात घडली
गफूर पॅलेस इमारतीच्या तिसऱ्या मजल्यावर काल दुपारच्या सुमाराला एका घरात एका महिलेचा जोर जोरात ओरडण्याचा आवाज येत होता. एक महिला आपल्या दोन मुलांना घेऊन शेजारच्या घरात आली. तेव्हा अमन मुल्ला या तरुणाने आपली आई रुक्साना हिच्यावर प्राणघातक हल्ला केलेला होता. बाजारपेठ पोलीस घटनास्थळी दाखल होईपर्यंत अमनने त्याच्या आईची हत्या केली होती. घरात मिळेल त्या वस्तूने अमनने आईवर हल्ला केला.