Shivsena Vs Somaiya : 'गली गली शोर है किरीट सोमैया...'; ठाण्यात शिवसेनेचा जिल्हाधिकारी कार्यालयावर मोर्चा

किरीट सोमैयांनी आयएनएस विक्रांत ( INS Vikrant ) जहाज वाचवण्यासाठी जमा केलेले पैसे राज्यपाल कार्यालयात पोहचले नाही. त्याविरोधात आता किरीट सोमैयाविरोधात देशद्रोहाचा गुन्हा करण्यात यावा, अशी मागणी करत शिवसैनिकांनी ठाण्यात मोर्चा काढला (Shivsena Protest Against Kirit Somaiya ) आहे.

ठाणे -आएनएस विक्रांत जहाज ( INS Vikrant ) वाचवण्यासाठी भाजपा नेते किरीट सोमैयांनी जमा केलेले पैसै राज्यपाल कार्यालयात पोहचले नसल्याची बाब समोर आली आहे. माहिती अधिकार कायद्याच्या मार्फत हे प्रकरण समोर आल्याचे शिवसेना खासदार संजय राऊत यांनी सांगितले ( Sanjay Raut Allegation Kirit Somaiya ) आहे. त्यानंतर आता त्यांच्यावर देशद्रोहाचा गुन्हा दाखल करण्यात यावा, अशी मागणी करत शिवसेना कार्यकर्त्यांनी ठाण्यात भव्य मोर्चा काढला (Shivsena Protest Against Kirit Somaiya ) आहे.

भाजपाचे नेते किरीट सोमैयांनी राज्यातील महाविकास आघाडी विरोधात जोरदार मोर्चेबांधणी केली आहे. त्यांच्यामुळे अनेक बडे नेते अडचणीत आले असल्याचे चित्र सध्या दिसत आहे. खासदार संजय राऊत यांच्या विरोधात तर त्यांनी गंभीर आरोप करत शिवसेनेला अडचणीत आणले आहे. त्यावर कुरघोडी करण्यासाठी संजय राऊत यांनी विक्रांत युद्धनौकेच्या संवर्धनासाठी किरीट सोमैयांनी जनतेकडून कोट्यावधी रुपये गोळा करून परस्पर त्याचा व्यवहार केल्याचा आरोप केला.

त्याच पार्श्वभूमीवर शिवसेनेचे खासदार राजन विचारे यांनी मोठ्या मोर्चाचे आयोजन केले होते. जोपर्यंत सोमैयांवर कारवाई होत नाही, तोपर्यंत शिवसेना गप्प बसणार नाही, असा इशारा राजन विचारे यांनी दिला आहे. किरीट सोमैयांच्या पोस्टरला जोडे मारात त्यांच्यावर देशद्रोहाचा गुन्हा दाखल केला पाहिजे. यासाठी जिल्हाधिकारी यांना शिवसैनिक निवेदन देणार होते. मात्र, न्यायालयाचा परिसर असल्याने कायदा सुव्यवस्थेचा प्रश्न निर्माण होऊ शकतो. त्यामुळे शिवसेनेने पोलिसांच्या विनंतीला मान देत आंदोलन थांबवले.

सोमैयांविरोधात जोरदार घोषणाबाजी -मोर्चावेळी शिवसैनिकांनी किरीट सोमैयांविरोधात जोरदार घोषणाबाजी केली. गली गली मे शोर हे किरीट सोमैया चोर हे अशा घोषणा यावेळी शिवसैनिकांनी दिल्या आहेत.

हेही वाचा -Raut vs Somaiya : नाशिकमध्ये शिवसेनेने काढली सोमैयांची प्रतिकात्मक अंत्ययात्रा