कट्टर शिवसैनिक गंभीर आजाराने ग्रस्त, उपचारासाठी मुलीची शिवसेनेकडे याचना

आयुष्यभर शिवसेना पक्षाची एकनिष्ठ राहिलेल्या 64 वर्षीय कट्टर शिवसैनिक गंभीर आजाराने ग्रस्त असूनही आयुष्याच्या अशा वळणावर दिवंगत बाळासाहेब ठाकरे यांची प्रतिमा उशाजवळ ठेवून पूजा करत आहे. नंदकुमार सावंत, असे त्या कट्टर शिवसैनिकाचे नाव आहे. त्यांच्या उपचारासाठी त्यांच्या मुलीने शिवसेना नेत्यांनी मदतीची याचना केली आहे.

ठाणे - आयुष्यभर शिवसेना पक्षाची एकनिष्ठ राहिलेल्या 64 वर्षीय कट्टर शिवसैनिक गंभीर आजाराने ग्रस्त असूनही आयुष्याच्या अशा वळणावर दिवंगत बाळासाहेब ठाकरे यांची प्रतिमा उशाजवळ ठेवून पूजा करत आहे. नंदकुमार सावंत, असे त्या कट्टर शिवसैनिकाचे नाव आहे. त्यांच्या उपचारासाठी त्यांच्या कुटुबीयांनी राहते घर विकले, जवळचे सर्व पैसेही उपचारासाठी खर्च केल्याने सध्या सावंत कुटुंबीय हालाखीच्या उंबरठ्यावर येऊन ठेपले आहे. त्यामुळे कट्टर शिवसैनिकाच्या मुलीने शिवसेना नेत्यांनी उपचारसाठी एकत्र येऊन मदत करावी, अशी याचना केली आहे.

दिवंगत बाळासाहेबांवर असलेली श्रद्धा कायम

शिवसेना स्थापनेपासून बाळासाहेब ठाकरे नेहमीच बोलत असत की, शिवसेनेत 80 टक्के समाजकारण व 20 टक्के राजकारण हाच ध्यास नंदकुमार यांनी मनात ठेवून शिवसेनेसोबत नाळ जोडली. त्यांनी कुठल्याही पदाची अपेक्षा न ठेवता केवळ बाळासाहेबांवर असलेली श्रद्धाच त्यांनी आतापर्यंत कायम ठेवली. नंदकुमार मूळचे रत्नागिरी जिल्ह्याचे रहिवाशी असून ते मुंबईतील करीरोड परिसरातच लहानाचे मोठे झाले. तर गोदरेज कंपनीत कार्यरत होते. मात्र, कालातंराने मुंबई सोडून त्यांनी ठाण्यातील किसननगर भागात स्वतःचे घर घेऊन राहत होते.

राहते घर विकून उपचारावर खर्च

नंदकुमार यांना तीन मुली असून एका मुलीचा 3 वर्षांपूर्वी लग्न झाले. त्यांनतर त्यांना विविध आजार जडत गेले. त्यामुळे कुटूंबाने ठाण्यातील स्वतःचे राहते घर विकून त्यांच्यावर उपचार केले. विशेष म्हणजे ऐन कोरोना काळात सांवत कुटूंब भिवंडी तालुक्यातील कशेळी गावातील एका इमारतीत राहण्यास आले. आता मात्र उपचार आणि घर खर्च चालविणासाठी आर्थिक अडचण निर्माण झाली आहे. त्यामुळे त्यांची मुलगी श्रेया ही एका खासगी कंपनीत अहोरात्र काम करून त्याच पैशातून उपचारासाठी लागणार खर्च भागवत आहे.

शिवसेनेसाठी खूप काही केलं

श्रेया म्हणाली, पूर्वी आमची आर्थिक परिस्थिती खूप चांगली होती. त्यामुळे आम्हाला वाटले नव्हते की, असा प्रसंग वडिलांवर येईल. मात्र, आतापर्यंत उपचारासाठी 15 ते 17 लाख रुपये खर्च झाले. माझ्या वडिलांनी शिवसेनेसाठी खूप काही केले. ज्यावेळी मेळावे, मोर्चे, अंदोलन, निवडणुका असायचे त्यावेळी ते आवर्जून सहभागी असायचे. आज मात्र माझ्या वडिलांच्या उपचारासाठी शिवसेनेकडून मदतीची गरज असल्याचे तिने सांगितले.

हेही वाचा -ठाण्यातील गणेश भक्ताकडे एक हजार गणेश मूर्ती