Crime News : वकिलाच्या बंगल्यावर सशस्त्र दरोडा; महिलेच्या गळ्यावर सुरा ठेवत दागिन्यांची लूट

एका वकिलाच्या बंगल्यावर सशस्त्र दरोडा पडल्याची ( Robbery in Advocate House ) घटना समोर आली आहे. धक्कादायक बाब म्हणजे दरोडेखोरांनी बंगल्यातील वृद्ध महिलेच्या गळ्यावर सुरा ठेवत अंगावरीलही दागिन्यांची लूट केली आहे. ही घटना भिवंडी शहरालगत असलेल्या खोणी गावात घडली आहे. याप्रकरणी निजामपुरा पोलीस ठाण्यात ( Nijampur Police Station ) 5 अज्ञात दरोडेखोरांविरोधात गुन्हा दाखल करून पोलिसांनी तपास सुरू केला आहे.

ठाणे- एका वकिलाच्या बंगल्यावर सशस्त्र दरोडा पडल्याची घटना ( Robbery in Advocate House ) समोर आली आहे. धक्कादायक बाब म्हणजे दरोडेखोरांनी बंगल्यातील वृद्ध महिलेच्या गळ्यावर सुरा ठेवत अंगावरीलही दागिन्यांची लूट केली आहे. ही घटना भिवंडी शहरालगत असलेल्या खोणी गावात घडली आहे. याप्रकरणी निजामपुरा पोलीस ठाण्यात ( Nijampur Police Station ) 5 अज्ञात दरोडेखोरांविरोधात गुन्हा दाखल करून पोलिसांनी तपास सुरू केला आहे.

कार्यलयानंतर बंगल्यात दरोडा -अॅड. अजय विष्णू पाटील हे कुटूंबासह खोणी गावातील बंगल्यात राहतात. दरोडा पडला त्यावेळी अॅड. अजय हे आपल्या पत्नी मुलासह एका खोलीत तर त्यांची आई नंदा व सहा वर्षांची मुलगी ही दुसऱ्या खोलीत झोपल्या होत्या. त्यातच आज (दि. 2 मार्च) पहाटे अडीच वाजण्याच्या सुमारास आलेल्या दरोडेखोरांनी प्रथम अजय पाटील यांच्या कार्यालयाची कडी कोयंडा तोडून कार्यालयात प्रवेश केला. मात्र, कार्यलयात काही मिळून न आल्याने दरोडेखोरांनी आपला मोर्चा पहिल्या मजल्यावरील घरात वळवला. तेथीलही दरवाजाच्या आतील कडी कशाच्यातरी साहायाने उचकटून नंदा पाटील झोपलेल्या खोलीत ते शिरले व त्यांच्या गळ्यावर सुरा ठेवत कानातील कर्णफुले खेचून काढली. इतक्यावरच न थांबता चोरट्यांनी त्यांच्या गळ्यातील गंठन व हातातील बांगड्या हिसकावून घेतल्या.

ग्रामस्थांवर दगड भिरकावत दरोडेखोरांचे पलायन -वृद्ध सासूचा आवाज ऐकून त्यांची सून उठल्याने व तिनेही घरात काही व्यक्ती आल्याचे पाहून जोरजोरात चोर चोर म्हणून आरडाओरड केली. त्यामुळे परीसरातील नागरीक उठविण्यास सुरुवात केल्याने पाचही दरोडेखोरांनी पलायन केले. त्यावेळी काही युवकांनी त्यांचा पाठलाग करण्याचा प्रयत्न केला असता त्यांनी सोबत दोरी बांधून आणलेले दगड ग्रामस्थांवर भिरकावत पलायन केले. तर वृद्ध महिलेच्या अंगावरील सुमारे 9 तोळे सोन्याचे दागिने हत्याराचा धाक दाखवून ओरबाडून नेले.

पाचही दरोडेखोर सीसीटीव्हीत कैद -भयभीत पाटील कुटुंबीयांनी स्थानिक निजामपुरा पोलिसांना घटनेची माहिती दिली असता रात्र गस्त करत असलेले दोन पोलीस एक तासाने आले, सकाळी पोलीस ठाण्यात तक्रार देण्यासाठी येण्याचा सल्ला देत ते निघून गेले. यामुळे स्थानिकांनी तीव्र संताप व्यक्त केला आहे. दरोडेखोरांनी बंगल्या समोरील काही सीसीटीव्ही कॅमेऱ्याची तोडफोड ( CCTV ) केली आहे. मात्र, पाचही दरोडेखोर बंगल्याच्या परिसरात असलेल्या सीसीटीव्हीत ( CCTV ) कैद झाले असून या फुटेजच्या आधारे पोलिसांनी दरोडेखोरांचा शोध सुरू केला आहे.

हेही वाचा -Thane Crime News : उल्हासनगरमध्ये अज्ञाताकडून महिलेवर धारदार शस्त्राने हल्ला; प्रकृती चिंताजनक