ठाणे - अंबरनाथ शहरातील फॉरेस्ट नाका पेट्रोल पंपावर रिक्षामध्ये सीएनजी गॅस भरताना अचानक स्फोट झाला. सुदैवाने या स्फोटात कोणतीही जीवितहानी झालेली नाही. मात्र, स्फोटामुळे रिक्षाचा अक्षरश: चक्काचूर झाला असून पेट्रोल पंपाचीही मोठ्या प्रमाणावर नासधूस झाली आहे.
मंगळवारी सायंकाळी ४च्या सुमारास अंबरनाथ पश्चिमेतील फॉरेस्ट नाक्यावरील महानगर गॅस पेट्रोल पंपावर नेहमीप्रमाणे रांग लागली होती. यावेळी एका रिक्षात गॅस भरत असताना अचानक स्फोट झाला. या स्फोटामुळे रिक्षा अक्षरश: चक्काचूर झाला असून पेट्रोल पंपाचीही मोठ्याप्रमाणावर नासधूस झाली आहे. या घटनेनंतर पंपावरील सीएनजी सेक्शन बंद त्वरित करण्यात आले.
सीएनजी गॅस भरताना पेट्रोल पंपावर रिक्षाचा स्फोट