ठाणे - ठाण्यातील प्रादेशिक परिवहन विभागातील (आरटीओ) निवृत्त अधिकाऱ्याने राहत्या घरी डोक्यात रिव्हॉल्वरने गोळी झाडून आत्महत्या केल्याची घटना उघडकीस आली आहे. मोहम्मद सादिक मोहम्मद शफी शेख ( वय 68 ) असे आत्महत्या केलेल्या अधिकाऱ्याचे नाव आहे. अद्याप आत्महत्येचे कारण स्पष्ट झाले नसल्याची माहिती राबोडी पोलीस ठाण्याचे वरिष्ठ पोलीस निरिक्षक आर.एस. शिरतोडे यांनी दिली.
माहिती देताना पोलीस अधिकारी....
ठाणे पश्चिमेकडील कॅसलमिल येथील विकास काॅम्प्लेक्समध्ये तिसऱ्या मजल्यावर मोहम्मद सादिक मोहम्मद शफी शेख हे त्यांच्या 45 वर्षीय मुलासोबत राहत होते. त्यांची पत्नी त्यांच्यापासून विभक्त होऊन नेरळ येथे राहते. शुक्रवारी दुपारी मुलगा घरात झोपला असताना त्यांनी स्वतःच्या परवानाधारी रिव्हॉल्वरमधून डोक्यात गोळी झाडली. यात शेख यांचा जागीच मृत्यू झाला.