ठाणे -भिवंडी शहरात वाढता गुन्हेगारांचा आलेख पाहता शहरातील विविध पोलीस ठाण्याच्या अधिकाऱ्यांना पोलीस उपायुक्त योगेश चव्हाण यांनी रात्रीची गस्त वाढण्याचे निर्देश दिले होते. त्यानुसार एकट्या शांतीनगर पोलीस ठाण्याच्या ( Shantinagar police station action ) पथकाने गस्ती दरम्यान ९ सराईत आरोपींना अटक करून त्यांच्याकडून १६ गुन्ह्यांची उकल करण्यात यश मिळाल्याची माहिती पोलीस उपायुक्त योगेश चव्हाण यांनी पत्रकार परिषदेत दिली आहे. विशेष म्हणजे या ९ सराईत गुन्हेगारांमध्ये मालेगावात गुन्हा करून ८ वर्ष फरार आरोपीचा सामावेश आहे. तर एका आरोपीकडून ८ किलो १०० ग्राम वजनाचा गांजाही जप्त करण्यात आला. एकूण ९ आरोपीकडून आतापर्यत १८ लाखांचा मुद्देमाल हस्तगत करण्यात आला. यामध्ये दागिने, विविध कंपन्यांचे महागडे मोबाईल, दुचाक्या, रिक्षाही जप्त करण्यात आल्या.
प्रतिक्रिया देताना पोलीस उपायुक्त