नवी मुंबई (ठाणे) -येथील आंतरराष्ट्रीय विमानतळाच्या पार्श्वभूमीवर दी बा. पाटील यांचे नाव द्यावे म्हणून सर्व भूमिपुत्र एकवटले आहेत. 10 जूनला या भूमिपुत्रांच्या माध्यमातून साखळी आंदोलन केले गेले होते. येत्या 24 जूनला देखील नवी मुंबई परिसरातील भूमिपुत्र या नामकरणाविषयी आंदोलन छेडणार आहेत. मात्र, या आंदोलनाला पोलिसांनी परवानगी नाकारली आहे. तरीही हक्कासाठी न्यायासाठी आंदोलन करणार, असा पवित्रा भूमिपुत्रांनी घेतला आहे.
पोलीस उपायुक्त सुरेश मेंगडे याबाबत माहिती देताना
24 जूनला स्थानिक भूमिपुत्र एकवटणार -
नवी मुंबई आंतरराष्ट्रीय विमानतळाला दिवंगत दि. बा. पाटील यांचे नाव द्यावे म्हणून नवी मुंबई, पनवेल, उरणमधील सर्व भूमिपुत्र 24 जूनला एकवटणार आहेत. 10 जूनलाही साखळी आंदोलन छेडण्यात आले होते.