मीरा भाईंदर(ठाणे)- मीरा भाईंदरच्या अपक्ष आमदार गीता जैन यांच्या नकली आवाजाची ऑडिओ क्लिप मोठ्या प्रमाणात समाज माध्यमावर व्हायरल झाली आहे. या संदर्भात आमदार गीता जैन यांचे स्वीय सहाय्यकांच्या तक्रारीवरून १७ जुलै रोजी नवघर पोलीस ठाण्यात गुन्हा दाखल करण्यात आला होता. या प्रकरणी नवघर पोलिसांनी भाजपच्या एका महिला पदाधिकारीला अटक करून शुक्रवारी ठाणे जिल्हा सत्र न्यायालयात हजर केले. त्यानंतर कोर्टाने त्यांना जामीन मंजूर केला आहे.
आमदारांच्या नकली आवाजाचा ऑडिओ व्हायरल; भाजपची महिला पदाधिकारी गजाआड - नकली आवाजाचा ऑडिओ व्हायरल
अटक करण्यात आलेल्या आरोपी रंजू झा या भारतीय जनता पक्षाच्या उत्तर भारतीय महिला मोर्चाच्या मीरा भाईंदर मतदारसंघाच्या उपाध्यक्ष आहेत. मात्र, आरोपी रंजु झा यांनी त्या ऑडिओ क्लिपमधील आवाज माझा नसून, मी ही ऑडिओ बनवली नाही, तसेच पोलिसांनी मला अटक केलीच नाही. मी कोर्टातही गेले नाही अशी खोटी माहिती त्यांनी पत्रकारांना दिली. परंतु पोलिसांनी रंजु झा ला अटक करून ठाणे जिल्हा सत्र न्यायालयात हजर केले
भाजपची महिला पदाधिकारी
कथित व्हायरल ऑडिओ क्लिपमध्ये एका महिलेच्या आवाजात कोरोना संदर्भात माहिती दिली आहे. ज्यामध्ये 'केंद्र सरकारकडून प्रत्येक कोरोना पॉझिटिव्ह रुग्णांवर उपचार करण्यासाठी नगरपालिका आणि महानगरपालिकेला दीड लाख रुपये देत आहे. त्यामुळे खासगी डॉक्टर, प्रयोगशाळा, आरोग्य विभाग पॉझिटिव्ह रुग्ण संख्या वाढण्यावर लक्ष देत आहेत. सर्दी ताप आला असेल तर सकारात्मक दाखवून त्यांना रुग्णालयात जबरजस्ती दाखल केले जात आहे. दीड लाख रुपये त्यांना मिळाले की, रुग्णाला घरी पाठवण्यात येते. त्यामुळे हा मोठा घोटाळा आहे, तर आपण कोविड तपासणी करण बंद करा' असे आवाहन त्या ऑडिओ क्लिपमध्ये करण्यात आले. आमदार गीता जैन यांचा नकली आवाज काढून जैन यांचे नाव आणि फोटो टाकून याचा एक व्हिडिओ तयार करून तो व्हायरल करण्यात आला आहे. त्याप्रकरणी तक्रार दाखल करण्यात आली. तसेच अपक्ष आमदार गीता जैन यांनी देखील तो माझा आवाज नसल्याचे स्पष्ट करत हा प्रकार निंदनीय असून आरोपीवर कारवाईची मागणी केली.
आमदारांच्या नकली आवाजाचा ऑडिओ व्हायरल;