ठाणे- लोकसभा निवडणुकीत पहिल्या ३ टप्प्यात भाजपची पीछेहाट होत असल्याचे सर्व्हेतून पुढे येत असल्यानेच त्यांच्या पायाखालची वाळू सरकू लागली आहे. म्हणून भाजपने लांडगा आला रे आला, अशी व्यवस्था निर्माण केली आहे. भाजपचे नेते निवडणुकीसाठी भावनिक आवाहन करत आहेत. म्हणजे त्यांच्या भाषेत जुमलेबाजीचा प्रयत्न करत असल्याची टीका काँग्रेस किसान सभेचे राष्ट्रीय अध्यक्ष नाना पटोले यांनी केली. भिवंडी लोकसभा मतदारसंघातील आघाडीचे उमेदवार सुरेश टावरे यांच्या प्रचारासाठी ते भिवंडी तालुक्यातील अंबाडी गावात आले होते. त्यावेळी ते प्रसारमाध्यमांशी बोलत होते.
लांडगा आला रे आला! अशी व्यवस्था भाजपने निर्माण केली - नाना पटोले