ठाणे - 'राष्ट्रीय सूर्यनमस्कार' दिनानिमित्त कल्याणच्या सुभाष मैदानात सामूहिक सूर्यनमस्कार कार्यक्रमाचे आयोजन करण्यात आले. यामध्ये कल्याण शहरातील ५४ शाळांमधील १० हजार ६२२ विद्यार्थ्यांनी सहभाग घेतला होता.
कल्याणमध्ये हजारो विद्यार्थ्यांनी घातले सूर्यनमस्कार
कल्याण-डोंबिवली महानगरपालिका महिला व बालकल्याण समिती, सुभेदार वाडा कट्टा आणि माध्यमिक उच्च-माध्यमिक मुख्याध्यापक संघटना यांच्या संयुक्त विद्यमाने या कार्यक्रमाचे आयोजन करण्यात आले होते. दररोज ८० सूर्यनमस्कार घालणाऱ्या रत्नागिरी येथील १०१ वर्षांच्या लक्ष्मीबाई दामले या कार्यक्रमाचे विशेष आकर्षण होत्या. आयोजकांकडून त्यांचा विशेष सत्कार करण्यात आला आहे.