नवी मुंबई -शहर आणि परिसरात कोरोना रुग्णांची वाढली संख्या लक्षात घेता कोविड सेंटरमधील यंत्रणा तयार व सक्षम ठेवा, अशी सुचना आमदार गणेश नाईक यांनी पालिका प्रशासनाला केली आहे. महानगरपालिका आयुक्त अभिजित बांगर यांच्या भेटीनंतर गणेश नाईक यांनी माध्यमांशी संवाद साधला.
आमदार गणेश नाईक माध्यमांशी बोलताना.. दिवाळीनंतर नवी मुंबईतील कोरोना रुग्णांच्या संख्येत वाढदिवाळीनंतर कोरोनारूग्णांच्या संख्येत वाढीचा धोका नाईक यांनी व्यक्त केला होता. कोविड सेंटरमधील साधे बेड, ऑक्सिजन बेड, व्हेंटिलेटर बेड, वैद्यकीय व आरोग्य कर्मचारी, औषधे, उपकरणे अशा सर्व आवश्यक गोष्टी सज्ज ठेवाव्यात, असा सल्ला त्यांनी पालिका आयुक्त अभिजित बांगर यांना दिला. नुकतीच कोरोनाविषयक आढावा बैठकीत झाली. त्यावेळी त्यांनी या सुचना दिल्या आहेत. त्या अनुषंगाने सर्व तयारी करण्यात येईल, अशी ग्वाही आयुक्त बांगर यांनी त्यांना दिली.
शाळा पूर्णपणे काळजी घेऊन सुरू कराव्यातजानेवारी 2021मध्ये शाळा सुरू होण्याचा निर्णय शासन घेऊ शकते. तसे झाले तर शाळांचे दरवाजे उघडण्यापूर्वी गेले वर्षभर बंद असलेल्या शाळांच्या इमारती दुरूस्त कराव्यात, निर्जंतुकीकरण करून आतील सुविधा अद्ययावत कराव्यात, अशी सुचना नाईक यांनी केली.
समाजमंदिरे नागरिकांसाठी खुली करावीत
शहरातील पालिकेच्या अनेक समाजमंदिरांमधून सध्या कोरोना चाचणी केंद्र सुरू आहेत. मात्र त्यामधून होणाऱ्या चाचण्यांच्या प्रमाणात लक्षणीय घट झाली आहे. त्यामुळे ही समाजमंदिरे नागरिकांकरीता सामाजिक कार्यासाठी खुली करावीत, असे नाईक यांनी आयुक्तांच्या निदर्शनास आणून दिले. कोरोनाची वाढती आकडेवारी पाहता पुढील काही दिवस थांबू. कोरोना आटोक्यात आला तर ही समाजमंदिरे खुली करू, असे आश्वासन आयुक्तांनी दिले.
