नवी मुंबई -बेलापूर रायगड भवन येथील महाराष्ट्र प्रदूषण नियंत्रण मंडळ यांनी दिघा नवी मुंबई येथील भंगार व्यावसायिकांवर प्रदूषण नियंत्रण कायद्याअंतर्गत नोटीस बजावली आहे. या नोटीसमध्ये त्यांना ७२ तासात प्लास्टिक प्रक्रिया प्रकल्प बंद करण्याचे आदेश देण्यात आले आहेत. त्याचप्रमाणे नवी मुंबई महानगरपालिका व महावितरण यांना पाणी व वीजपुरवठा खंडीत करून कारवाई करण्याचे आदेश देखील देण्यात आले आहेत.
भंगार व्यावसायिकांना महाराष्ट्र प्रदूषण नियंत्रण मंडळाची नोटीस
दिघा संजय गांधी नगर येथील भंगार व्यावसायिक शगीर अहमद शबीर खान याचा भंगार व्यवसाय आहे. ते भंगारमध्ये आलेले प्लास्टिक व इतर वस्तूंवर प्रक्रिया केल्यानंतरचे रासायनिक द्रव पदार्थ शेजारील नाल्यामध्ये सोडत असे. त्यामुळे परिसरातील नागरिकांना चक्कर येणे, मळमळणे, श्वास घेण्यास त्रास होणे यासारख्या समस्या येत होत्या.