ठाणे -कल्याण-डोंबिवली महानगरपालिकेच्या परिवहन विभागातील कोरोनाबाधिताचा चालकाचा मृत्यू झाला आहे. या घटनेमुळे केडीएमटीच्या कामगार वर्गात दुःखाचे वातावरण पसरले आहे.
केडीएमटीचे स्थायीचालक यांना कोरोनाची लागण झाल्यानंतर त्यांच्यावर उपचार सुरू होते. मात्र, उपचारादरम्यान त्यांचा मृत्यू झाला. दरम्यान, नवी मुंबई महानगरपालिकेच्या वाशी सार्वजनिक रूग्णालयातील रूग्णवाहिकेवरील एका कोरोनाबाधित वाहनचालकाचे 24 मे ला निधन झाले. त्यांच्या कुटुंबियांना प्रधानमंत्री गरीब कल्याण पॅकेज इन्शुरन्स स्कीम फॉर हेल्थ वर्कर्स या केंद्र सरकारच्या पॅकेज अंतर्गत 50 लाख आणि नवी मुंबई महानगरपालिकेच्यावतीने कामगार कल्याण निधीतून 25 लक्ष असे एकूण 75 लाख रुपये, तसेच त्यांच्या पात्र वारसाला अनुकंपा तत्वावर शासन निर्णयाप्रमाणे नोकरी देण्याबाबत महापालिका आयुक्त अण्णासाहेब मिसाळ यांनी जाहीर केले आहे.