ठाणे -मागील दोन दिवसांपासून सुरू असलेल्या पावसामुळे मुंबई, ठाणे आणि सभोवतालच्या परिसरात जनजीवन विस्कळीत झाले आहे. याचा सर्वात जास्त फटका पश्चिम आणि मध्य रेल्वेला बसला आहे.
कल्याणपासून कर्जत-कसारापर्यंत जाणारे रेल्वे मार्ग खुले
सतत कोसळणाऱ्या पावसामुळे मध्य रेल्वेची वाहतूक खोळंबली आहे. त्यामुळे लाखो प्रवाशांचे हाल सुरू आहेत. सकाळपासून बंद असलेली रेल्वे वाहतूक अजुनही पूर्णपणे सुरळीत झालेली नाही. कल्याणपासून कर्जत-कसारापर्यंत जाणारे रेल्वे मार्ग खुले झाल्यामुळे वाहतूक सुरू करण्यात आली आहे. त्रस्त प्रवाशांना थोडासा दिलासा मिळाला आहे. मध्य रेल्वेची सेवा ठप्प असल्याने प्रवाशांना इतर पर्यायी वाहनांचा वापर करावा लागला.