ठाणे- कोरोना विषाणूचा सामना करण्यासाठी एनडीआरएफचे जवान २४ तास काम करत आहेत. मात्र, त्यांनादेखील विश्रांतीची गरज आहे, पण ते मिळत नसल्याने त्यांना किमान काम करण्याची शक्ती मिळावी, यासाठी ग्लोबल इंडिया फाऊंडेशनच्या वतीने जवानांना डाबर कंपनीचे प्रोटिनयुक्त साहित्य भेट देण्यात आले आहे.
कोरोनाशी दोन हात करताना एनडीआरएफच्या जवानांमधील उत्साह कायम राहावा, त्यांचा थकवा निघून जावा यासाठी ग्लोबल इंडिया फाऊंडेशनतर्फे त्यांना प्रोटिनयुक्त पदार्थ देण्यात येईल, असा निर्णय संस्थेचे अध्यक्ष नवीन कुमार यांनी घेतला होता. त्यानुसार, एनडीआरएफचे पुणे व मुंबई विभागात कार्यरत जवानांनासाठी तब्बल १५ टन प्रोटिनयुक्त साहित्य भिवंडी तालुक्यातील वडपे येथील डाबर कंपनीच्या डेपोमधून पुणे येथील एनडीआरएफ विभागात पाठविण्यात आले. या वेळी ग्लोबल इंडिया फाऊंडेशनचे सरचिटणीस किशोर मन्याल यांनी डाबर कंपनीचे साहित्य एनडीआरएफ पथकाचे उपनिरीक्षक ईश्वरदास मते यांच्याकडे जमा केले. यावेळी संस्थेचे पदाधिकारी अमित मन्याल, ओमप्रकाश, बबलू झा व डाबर कंपनीचे डेपो व्यवस्थापक राजेश मुकादमसह आदी लोक उपस्थिती होते.