21 दिवसांच्या बाप्पाचे उत्साहात विसर्जन

40 वर्षांची परंपरा असलेल्या खारेगाव मधील 21 दिवसांच्या गणपतीचे थाटात विसर्जन करण्यात आले.

ठाणे - राज्यात विधानसभेची रणधुमाळी चालू असताना दुसरीकडे 21 दिवसांच्या गणपतीचे थाटात विसर्जन करण्यात आले. 40 वर्षांची परंपरा असलेल्या श्री गणेश मित्र सार्वजनिक गणेशोत्सव मंडळांच्या गणपतीची मिरवणूक काढण्यात आली. यामध्ये लेझीम, ढोल-ताशे आणि ब्रास बँड पथक यांचे विशेष आकर्षण होते.

खरेगाव मध्ये असलेल्या या मंडळात 21 दिवस विविध कार्यक्रमांचे आयोजन करण्यात येते. मिरवणुकीतील सजावटीने सर्वांचेच लक्ष वेधून घेतले.

यावेळी लाडक्या बाप्पाला निरोप देण्यासाठी भाविक वाजत गाजत मिरवणुकीत सामील झाले होते.