ठाणे -अज्ञात व्यक्तीकडून एकाचवेळी ४ महागड्या वाहनांची तोडफोड केल्याचा खळबळजनक प्रकार समोर आला आहे. कल्याण पश्चिमेकडील जोशीबाग परिसरात सोमवारी मध्यरात्री ही घटना घडली. त्यामुळे नागरिकांमध्ये भीतीचे वातावरण पसरले आहे.
कल्याणामध्ये मध्यरात्रीच चार गाड्यांची तोडफोड
हेही वाचा - ठाणे महापौर मीनाक्षी शिंदे यांना कुख्यात गुंडाकडून धमकीचा फोन
जोशीबाग परिसरातील नागरिकांनी आपली वाहने रस्त्यावरील पार्किंगच्या ठिकाणी पार्क करून ठेवले होते. यातील तीन महागड्या कार आणि एका टेम्पोची अज्ञाताने मध्यरात्रीच तोडफोड केली आहे. ही तोडफोड कोणी आणि कशासाठी केली? याचे कारण अद्याप अस्पष्ट आहे. मात्र, या घटनेमुळे स्थानिक नागरिकांमध्ये भीतीचे वातावरण पसरले आहे.