ठाणे -विठ्ठलवाडी पोलिसांनी दिवाळीनिमित्त वयोवृद्ध नागरिकांना अनोखी दिवाळी भेट देत माणुसकीचे दर्शन घडवले आहे. 'एक हात पोलीस दादाचा' हा उपक्रम राबवण्यात आला आहे. वृद्धांसाठी आजारपणात मोफत जेवण, उपचार आणि सुरक्षा मिळावी यासाठी पोलिसांनी हा अनोखा उपक्रम राबवला आहे.
वृद्ध नागरिकांसाठी विठ्ठलवाडी पोलिसांचा अनोखा उपक्रम
अपत्य नसल्याने किंवा मुलांनी व नातेवाईकांनी वाऱ्यावर सोडल्याने अनेक वृद्धांना एकाकी जीवन जगावे लागते. आजारपणात मायेचा हात फिरवण्यासाठी किवा साधी विचारपूस करण्यासाठीही त्यांच्याजवळ कुणीच नसते. अशा एकाकी वृद्धांना मायेचा ओलावा देण्यासाठी उल्हासनगरमध्ये विठ्ठलवाडी पोलिसांनी 'एक हात पोलीस दादाचा' उपक्रम सुरू केला आहे.