ठाणे -सोमवारी सकाळी 11 च्या सुमारास मुंब्रा रेल्वे स्थानकावर एका महिलेने आपल्या मुलीसह लोकल पकडण्याचा प्रयत्न केला. मात्र मुलीला लोकलमध्ये चढवताच लोकल सुरू झाल्याने, या महिलेला लोकलमध्ये चढता आले नाही. रिजबान सफद खान असे या महिलेचे नाव आहे. ती लोकलमध्ये चढू न शकल्याने मुलगी आणि आईची ताटातूट झाली. या सर्व प्रकाराने रिजबान गोंधळून गेली होती.
मात्र हा सर्व प्रकार तिथे उपस्थित असलेले महाराष्ट्र सिक्युरीटी फोर्स आणि आरपीएफचे पोलीस पाहत होते. महाराष्ट्र सिक्युरीटी फोर्सचे जवान शाहरुख शेख, राहुल सोनावणे, संतोष देवकर यांनी रिजबानला पकडले आणि तिला धावत्या रेल्वे खाली येण्यापासून वाचवले. पण तिची ६ वर्षांची मुलगी लोकल ट्रेनमध्येच राहिल्यामुळे रिजबानने आरडाओरड करायला सुरुवात केली.
पोलिसांच्या प्रयत्नामुळे चिमुकली पुन्हा भेटली आईला