ठाणे -शहरातील वागळे इस्टेट पोलीस ठाण्याच्या हद्दीत रविवारी रात्री अचानक दोन गटात तुफान हाणामारीची घटना घडली. ही सर्व घटना सीसीटीव्ही कॅमेऱ्यात कैद झाली असून गुंड हातात तलवारी घेऊन अगदी फिल्मी स्टाईलने एकमेंकांच्या मागे धावत होते. भर रस्त्यात हा प्रकार सुरू होता.
ठाण्यात तडीपार गुंडांचा धुमाकूळ सुरूच, हातात तलवारी घेऊन भररस्त्यात हाणामारी
पोलिसांना घटनेची माहिती मिळताच पोलीस घटनास्थळी दाखल झाले. यावेळी तडीपार असलेला अनिकेत आमले या गुंडाला पोलिसांनी ताब्यात घेतले, तर इतर गुंडांचा शोध सुरू आहे. सोनू पाल आणि सचिन कान्या हे देखील तडीपार गुंड या हाणामारीत सहभागी असल्याचा संशय वागळे इस्टेट पोलिसांना आहे.