मीरा भाईंदर - मीरा भाईंदर महानगरपालिकेची महासभा मंगळवारी पार पडली. या सभेत चांगलाच गोंधळ पाहायला मिळाला. शिवसेना समर्थक आमदार गीता जैन ( MLA Geeta Jain ) व भाजपा नगरसेविका हेतल परमार ( BJP corporator Hetal Parmar ) यांच्यात शाब्दिक चकमक झाली. त्याचे रूपांतर भांडणात झाले. गीता जैन प्रस्ताव मांडत बोलत असताना त्यांनी पिठासीन अधिकारी म्हणून बसलेले उपमहापौर हसमुख गेहलोत ( Deputy Mayor Hasmukh Gehlot ) यांनाच खडसावले. यावर भाजपा नगरसेविकानी गीता जैन यांना समजावण्याचा प्रयत्न केला. यामधूनच गीता जैन आणि भाजपा नगरसेविकांमध्ये वाद झाला. सभागृहात असलेल्या काँग्रेस आणि सेनेच्या नगरसेविका यांनी मध्यस्थी करत बाजूला केले.पिठासीन अधिकारी यांनी सुरक्षा रक्षकांना सभागृहात बोलवून दोन्ही नागरसेविकाना बाजूला केले.
'मी तत्काळ माफी मागितली' :मार्चपासून प्रत्यक्ष महासभा भरवण्यात येत आहे. मात्र मार्चपासून झालेल्या प्रत्येक महासभा वादग्रस्त ठरत आहेत. मागच्या सभेत देखील प्रहार जिल्हा अध्यक्षांनी चहा पाणी न दिल्याने थेट महापौर यांच्या डायसपर्यंत जाऊन गोंधळ घातला. त्यामुळे सभा तहकूब करण्यात आली. तर मंगळवारी झालेल्या सभेत देखील गोंधळ पाहायला मिळाला आहे. ही देखील महासभा अखेर तहकूब करावी लागली. त्यामुळे शहरातील नागरिकांनी संताप व्यक्त केला आहे. शहरातील महत्वाच्या विषयांवर चर्चा करण्यासाठी सभेचे आयोजन करण्यात येत असते. मात्र सभागृहात नगरसेविका वैयक्तिक पातळीवर टीका करण्यात मग्न झाले आहे. त्यामुळे ज्या मतदारांनी शहराच्या विकासासाठी निवडणूक दिलेल्या लोकप्रतिनिधी काय करतायत हे दिसून आले आहे. माझ्याकडून पिठासीन अधिकारी यांच्याबाबत जे शब्द निघाले. त्यावर मी तत्काळ माफी मागितली. यामध्ये परमार यांना बोलायची गरज नव्हती, असे शिवसेना समर्थक आमदार गीता जैन म्हणाल्या.