गर्दी जमविणाऱ्या भाजपाच्या 2 पदाधिकाऱ्यांसह डी मार्टवर गुन्हे दाखल

एकीकडे केंद्र सरकार कोरोनाला हद्दपार करण्याचा प्रयत्न करत आहे तर दुसरीकडे भारतीय जनता पक्षाचेच पदाधिकारी मोठ्या प्रमाणात सार्वजनिक कार्यक्रमाचा आयोजन करत कोरोना संकटाला आमंत्रण देत असल्याचे चित्र पुन्हा एकदा समोर आले आहे.

ठाणे - कल्याण-डोंबिवलीत कोरोनाचा वाढता कहर पाहून रुग्णसंख्येवर नियंत्रण आणण्यासाठी पोलिसांनी ऍक्शन मोड बदलला आहे. गेल्या तीन दिवसांपासून कल्याण-डोंबिवलीत कोरोना रुग्णांची संख्या पुन्हा वाढू लागली आहे. कोरोनाच्या वाढत्या प्रादुर्भावाच्या पार्श्वभूमीवर महापालिकेसह पोलीस प्रशासनही सतर्क झाले आहे. मागील ४८ तासात वाढदिवस, हळद-कुंकू सोहळे आयोजित करून गर्दी जमवून कोरोनाच्या नियमांचे उल्लंघन केल्याप्रकरणी भाजपाच्या दोन पदाधिकऱ्यांविरोधात पोलिसांनी गुन्हे दाखल केले आहेत. तर कोरोना काळातील नियमांचे पालन न केल्याप्रकरणी डी मार्ट अस्थापनाविरोधात देखील कारवाईचा बडगा उगारला आहे.

भाजप पदाधिकाऱ्यांचा शासनाच्या आदेशाला हरताळ
कोरोनाचे संकट दूर करण्यासाठी केंद्र तसेच राज्य शासनाकडून नियमावली जारी करण्यात आली आहे. तसेच या नियमांचे उल्लंघन केलेल्यांवर कठोक कारवाईचा इशाराही देण्यात आला आहे. एकीकडे केंद्र सरकार कोरोनाला हद्दपार करण्याचा प्रयत्न करत आहे तर दुसरीकडे भारतीय जनता पक्षाचेच पदाधिकारी मोठ्या प्रमाणात सार्वजनिक कार्यक्रमाचा आयोजन करत कोरोना संकटाला आमंत्रण देत असल्याचे चित्र पुन्हा एकदा समोर आले आहे. महापालिका व पोलिस प्रशासनातर्फे गर्दी न करणे, सोशल डिस्टंसिंग पाळणे, मास्क वापरण्याचे आवाहन केले जाते, मात्र असे असले तरी राजकीय पदाधिकारी मात्र कोरोना नियमांचे सर्रास पायमल्ली करताना दिसत आहेत.

गर्दी जमविणाऱ्या भाजपाच्या 2 पदाधिकाऱ्यांसह डी मार्टवर गुन्हे दाखल

बाजारातध्ये पुन्हा गर्दीचे लोंढेकल्याण डोंबिवली शहरात आजही १४७ कोरोनाचे नवे रुग्ण आढळून आले. त्यामुळे आतापर्यत ५९ हजार ६१८ रुग्ण संख्येचा ठप्पा पार केला आहे. आजही विविध रुग्णालयात १ हजार ३० रुग्णांवर उपचार सुरु आहेत. असे असताना शहरात मोठ्याप्रमाणे मॉल, विवाहसोहळे, हॉटेल, बाजारामध्ये पुन्हा गर्दीचे लोंढे ठिकठिकाणी एकत्र येत आहे. त्यातच डोंबिवलीतील संदीप माळी या भाजपाच्या पदाधिकाऱ्यांसह मानपाडा पोलीस ठाण्यात चौघांवर गुन्हा दाखल करण्यात आला. त्यापाठोपाठ हळदी-कुंकू कार्यक्रमाद्वारे गर्दी जमविणाऱ्या भाजपाच्या संदीप गायकर या माजी नगरसेवकावर आज बाजारपेठ पोलीस ठाण्यात, तर कल्याण पश्चिमेकडील बैलबाजार येथे असलेल्या डी मार्ट विरोधात महात्मा फुले चौक पोलीस ठाण्यात गुन्हा नोंदविण्यात आल्याचे पोलीस उपायुक्त विवेक पानसरे यांनी सांगितले.