ठाणे- अमेरिकेतून चार मित्रांसह १५ दिवसांपूर्वी आलेल्या मुरबाडमध्ये राहणाऱ्या एका तरुणाला होम क्वारंटाईनचा सल्ला दिला होता. होम क्वारंटाईन असलेल्या या तरुणावर रोज औषधोपचारासह त्याची तपासणी होत होती. त्यातच या तरुणाची १२व्या दिवशी तपासणी केली असता तो पॉझिटिव्ह आढळून आल्याने तालुक्यात एकच खळबळ उडाली आहे. विशेष म्हणजे त्याच्यासोबत अमेरिकेहून आलेल्या मित्रापैकी एक मित्रही पॉझिटिव्ह आढळून आला आहे. तो पुण्यात राहत असून त्याच्यावर पुणे येथील शासकीय रुग्णालयात उपचार सुरू आहे, तर मुरबाडमधील या तरुणाला मुंबईतील भाभा रुग्णालयात उपचारासाठी दाखल करण्यात आले आहे.
मुरबाडमध्ये आढळला कोरोना पॉझिटिव्ह रुग्ण; शहर ३ दिवस बंद