Shridhar Patankar : श्रीधर पाटणकरांच्या अन्य मालमत्ताही ईडीच्या रडारवर

मुख्यमंत्र्यांचे मेहुणे श्रीधर पाटणकरांच्या मालमत्तांवर ईडीने जप्तीची कारवाई केली ( Cm Uddhav Thackeray kin Shridhar Patankar ) आहे. त्यानंतर आता पाटणकरांच्या अन्य मालमत्ताही ईडीच्या रडारवर असल्याची माहिती मिळत ( Shridhar Patankar Other Properties Radar ED ) आहे. याबाबात 'ईटीव्ही भारत'चा स्पेशल रिपोर्ट...

ठाणे - राज्यात राजकीय नेत्यानंतर त्यांचे निकटवर्तीय केंद्रीय तपास यंत्रणांच्या रडारवर आले आहे. मुख्यमंत्री उद्धव ठाकरेंचे मेहुणे श्रीधर पाटणकर यांच्या मालमत्तांवर ईडीने कारवाई केली ( Cm Uddhav Thackeray kin Shridhar Patankar ) आहे. ठाण्यातील वर्तक नगर परिसरात असणाऱ्या 11 सदनिकांवर आणि अन्य मालमत्तांवर ईडीने जप्त केल्या आहेत. त्यानंतर आता श्रीधर पाटणकर यांच्या अन्य मालमत्ताही ईडीच्या रडारवर ( Shridhar Patankar Other Properties Radar ED ) आहेत.

'ईटीव्ही भारत'ने श्रीधर पाटणकर यांचा मालमत्तांचा शोध घेण्याचा प्रयत्न केला. त्यात ठाण्यातील पाचपखाडी परिसरातील पाचपखाडी ज्वेलर्स प्रकल्प पाटणकर यांच्या भागीदारीमध्ये असल्याचे समोर आले आहे. श्रीधर पाटणकर यांनी या प्रकल्पात करोडो रुपये देऊन भागीदारी केलेली आहे. हा प्रकल्प तीन भागीदारांमध्ये असून, त्यामध्ये श्रीधर पाटणकर यांचा देखील समावेश आहे.

पाचपखाडी ज्वेलर्स हे 22 वर्ष जुने असलेले पुनर्वसन प्रकल्प आहे. या प्रकल्पात अखेरच्या टप्प्यात श्रीधर पाटणकर यांनी भागीदारी केली आणि त्यांनी गुंतवलेल्या पैशांच्या मोबदल्यात त्यांना पाच सदनिका मिळाल्या आहेत. या सदनिका विकून त्यांना त्यांचा मोबदला मिळवायचा आहे, असे ठरवण्यात आले. आता या प्रकल्पात श्रीधर पाटणकर यांच्या सदनिका असून, त्या देखील ईडीच्या रडारवरती आहेत.

त्याचप्रमाणे, पाचपखाडी ज्वेलर्स या प्रकल्पातील भागीदार असलेले श्रीधर पाटणकर हे येथील कार्यालयात नेहमी बसत. या प्रकल्पातील विविध ठेकेदारांचे श्रीधर पाटणकर स्वत: देणी द्यायचे, असे स्थानिक नागरिकांनी सांगितले आहे.

हेही वाचा -Kirit Somaiya On Uddhav Thackeray : '...तर उद्धव ठाकरेंची झोप उडेल'; किरीट सोमैयांचा मुख्यमंत्र्यांवर हल्लाबोल