ठाण्यात चिमुरड्याचा मृत्यू; औषधीचा ओव्हरडोस दिल्याचा पालकांचा आरोप

कल्याण नजीकच्या मोहने परिसरात राहणारे नोमान काजी यांचा 2 महिन्याच्या चिमुरड्याला सर्दी, खोकला आणि कफचा त्रास झाला होता. त्यामुळे त्याला कुटुंबीय आज (सोमवारी) श्रीदेवी हॉस्पिटलमध्ये घेऊन आले. मुलाची परिस्थिती बघून डॉक्टरने औषध दिले.

ठाणे - खोकला आणि सर्दीच्या उपचारासाठी 2 महिन्यांच्या चिमुकल्याला रुग्णालयात दाखल करण्यात आले होते. यानंतर त्या चिमुरडीचा मृत्यू झाला. शहझीन असे मृत चिमुरडीचे नाव आहे. येथील डॉक्टरांनी चिमुकल्याला औषधाचा ओव्हरडोस दिल्याने त्याचा मृत्यू झाला, असा आरोप नातेवाईकांनी केला आहे. मात्र, हॉस्पिटल प्रशासनाने संपूर्ण आरोप फेटाळले आहेत. यानंतर नातेवाईंकानी डॉक्टरवर निष्काळजीपणाचा ठपका ठेवत त्याला मारहाणही केली. हा संपूर्ण प्रकार सीसीटीव्हीत कैद झाला आहे. ही घटना कल्याणमधील श्रीदेवी हॉस्पिटलमध्ये घडली.

कल्याण नजीकच्या मोहने परिसरात राहणारे नोमान काजी यांचा 2 महिन्याच्या चिमुरड्याला सर्दी, खोकला आणि कफचा त्रास झाला होता. त्यामुळे त्याला कुटुंबीय आज (सोमवारी) श्रीदेवी हॉस्पिटलमध्ये घेऊन आले. मुलाची परिस्थिती बघून डॉक्टरने औषध दिले. त्यांनतर मुलाला परत घरी नेत असताना रस्त्यातच त्याचा मृत्यू झाला. यानंतर मुलाला ओव्हरडोस दिल्याने त्याचा मृत्यू झाल्याचा आरोप करत मुलाच्या कुटुंबीयांनी केला आणि हॉस्पिटलमध्ये जाऊन डॉक्टरला मारहाण केली. तसेच डॉक्टरवर कारवाईची मागणी देखील त्यांनी केली आहे.

हेही वाचा -प्लास्टिकपासून इंधन निर्मिती..

हॉस्पिटल प्रशासनाचे म्हणणे आहे की, मुलाच्या नातेवाईकांना मुलाची परिस्थिती पाहून मुलाला हॉस्पिटलमध्ये दाखल करण्याचा सल्ला दिला होता. त्यासाठी नातेवाईक तयार नव्हते. मुलाला डॉक्टरांनी maftel p हे औषध दिले. तसेच डॉक्टरांनी कोणत्याही प्रकारचा निष्काळजीपणा केला नसल्याचे सांगितले. या प्रकरणी महात्मा फुले पोलिसांनी दोन्ही बाजूच्या तक्रारी नोंद केल्या आहेत. मुलाचा मृतदेह शवविच्छेदनासाठी पाठवण्यात आला आहे. शवविच्छेदनाच्या अहवालानंतर पोलीस पुढील प्रक्रिया होणार आहे. सध्या अधिक माहिती देण्यास पोलिसांनी नकार दिला.