ठाणे -लकी ड्रॉमध्ये स्कूटी गाडी बक्षिस मिळाल्याची थाप मारून रोख रक्कम आणि दागिने घेऊन दोन भामट्यांनी पोबारा केल्याची घटना मुरबाड तालुक्यातील देवगाव येथे घडली आहे. यातील एक जण मोबाईल कॅमेऱ्यात कैद झाला असून मुरबाड पोलिसांनी या भामट्यांचा शोध सुरू केला आहे.
लकी ड्रॉ मध्ये स्कूटी गाडी बक्षिस मिळाल्याची थाप मारून रोख रकमेसह दागिने घेऊन भामटे पसार
मुरबाड तालुक्यातील देवगाव येथील जगदीश कवटे यांना गुरुवारी भोसले नावाच्या व्यक्तीने फोन केला. मागील वर्षी आपण काढलेल्या 'लकी ड्रॉ'मध्ये तुम्हाला स्कूटी गाडी बक्षिस मिळाली आहे. त्यासाठी आपल्याला काही रक्कम भरावी लागेल, असे सांगून भूरळ घालत घरातील महिलेच्या कानातले १२ हजार रुपये किंमतीचे सोन्याचे दागिने आणि आठ हजार रोख रक्कम घेऊन पसार झाले.