ठाणे -शहरातील जांभळी नाका येथे बाळ गोपाळ मित्र मंडळ, नारळवाला चाळ यांच्या वतीने नेत्रदानाचा संदेश देत तुळशी विवाह आयोजित करण्यात आला होता. यामध्ये नेत्रहीन मुले सहभागी घेतला.
ठाण्यात तुळशी विवाहाच्या माध्यमातून नेत्रदानाचा संदेश
नेत्रदान या संकल्पनेबाबत आपल्या समाजात अद्याप मोठ्या प्रमाणावर जनजागृती होण्याची गरज आहे. या संकल्पनेचा म्हणावा तितकासा प्रचार आणि प्रसार झालेला नाही. नेत्रदानाचा संकल्प सोडण्याअगोदर या विषयाची गरज आणि आपल्याला त्यात देता येऊ शकणारे योगदान या मुद्द्यांविषयी समाजाच्या तळागाळात संदेश पोहोचला तर मोठ्या प्रमाणावर अंधत्व निवारणासाठी चालना मिळू शकते. तसेच मृत्यूनंतर नेत्रदान करणे सरकारने बंधनकारक केले तर देशात कोणीही अंध राहणार नाहीत, अशी भावना यावेळी सामाजिक कार्यकर्ते विलास ढमाले यांनी व्यक्त केली.