बोटावरची शाई दाखवा.. अन् करून घ्या मोफत आरोग्य तपासणी

राज्यातील विधानसभा निवडणुकीत जिल्ह्याचा मतदानाचा टक्का वाढावा याकरिता विविध उपक्रम राबविण्यात आले. यातच भिवंडी ग्रामीण मतदारसंघात मतदानाचा टक्का वाढविण्यासाठी एका खासगी रुग्णालयाने, 'बोटावरची शाई दाखवा आणि मोफत तपासणी करून घ्या' या संदेशासह मतदारांसाठी विविध आरोग्य चाचण्या मोफत करण्याचा उपक्रम राबविला.

ठाणे - मतदानाचा टक्का वाढण्यासाठी विविध मतदारसंघात खाद्यपदार्थ, कपडे, सलून चालकांसह आदी व्यापाऱ्यांनी सवलती दर जारी केले. त्याच धर्तीवर भिवंडी ग्रामीण मतदारसंघात मतदानाचा टक्का वाढविण्यासाठी एका खाजगी रुग्णालयाने मतदारांसाठी विविध आरोग्य चाचण्या मोफत करण्याचे जाहीर केले. याद्वारे लोकशाहीचा सण समजल्या जाणाऱ्या निवडणुकीत मतदानाचा टक्का वाढविण्यासाठी रुग्णालयानेही हातभार लावला.

भिवंडी तालुक्यातील कोनगाव परिसरात वेद रुग्णालयामध्ये बोटावरची शाई दाखवा, अन आरोग्य तपासणी मोफत करून घ्या, असे जाहीर करण्यात आले होते. या उपक्रमाला मतदारांनी बऱ्यापैकी प्रतिसाद दिला. नागरिकांनी मतदान प्रक्रियेत सहभाग घेऊन मतदान करीत आपल्या आरोग्याच्या विविध तपासण्या मोफत करून घेतल्या. मतदानाच्या टक्का वाढावा या उद्देशातून हा उपक्रम राबविल्यात आल्याचे डॉ. गिरीष केणी यांनी 'ई टीव्ही भारत'शी बोलताना सांगितले.

हेही वाचा - ईव्हीएमचा विरोध करत सामाजिक कार्यकर्त्याने फेकली मशीनवर शाई

विधानसभा निवडणुकीच्या रणधुमाळीत नेते, कार्यकर्ते प्रचारात दिवसरात्र व्यस्त असतात, यामुळे त्यांच्या आरोग्याविषयी विविध समस्या निर्माण होततात. त्याच उद्देशातून मतदान करा आणि आरोग्य तपासणी मोफत करून घ्या, हा उपक्रम आम्ही राबविला. तसेच त्यांच्या या उपक्रमाला नागरिकांनीही चांगला प्रतिसाद दिल्याचे डॉ. केणी यांनी सांगितले.

हेही वाचा -भिवंडीत डेंग्यूने नवविवाहीत तरुणाचा मृत्यू; दोन महिन्यात डेंग्यूचा पाचवा बळी