ठाण्याच्या पॉईंटमनकडून माणुसकीचे दर्शन, बक्षीसातील निम्मी रक्कम दिली अंध मातेला

मध्य रेल्वेच्या कल्याण कर्जत रेल्वे मार्गावर असलेल्या वांगणी रेल्वे स्थानकात उद्यान एक्सप्रेस येत असतानाच चिमुकला रेल्वे रुळावर अचानक पडला होता. त्यावेळी तेथील पॉईंटमनने स्वत:चा जीव धोक्यात घालून मुलाचा जीव वाचवला. या घटनेचा थरार सीसीटीव्हीत कैद झाला होता. पॉइंट्समन मयूर शेळके यांनी दाखवलेल्या हिंमतीबाबत रेल्वे प्रशासनाकडून मयूर शेळके याला 50 हजार रुपयांचे बक्षीस दिले. त्यापैकी 25 हजार रुपये त्याने त्या अंध महिलेला दिले. त्यामुळे धाडसाबरोबर या देवदूताकडून माणुसकीचे दर्शनही घडल्याचे पाहवयास मिळाले आहे.

ठाणे - मध्य रेल्वेच्या कल्याण कर्जत रेल्वे मार्गावर असलेल्या वांगणी रेल्वे स्थानकात उद्यान एक्सप्रेस येत असतानाच चिमुकला रेल्वे रुळावर अचानक पडला होता. त्यावेळी तेथील पॉईंटमनने स्वत:चा जीव धोक्यात घालून मुलाचा जीव वाचवला. या घटनेचा थरार सीसीटीव्हीत कैद झाला होता. त्यांच्या या धाडसाचे रेल्वे अधिकाऱ्यांपासून रेल्वे मंत्र्यांपर्यंत सर्वांनी कौतुक केले आहे. विशेष म्हणजे अवघ्या काही सेकंदांनी मुलाचा जीव वाचला होता. रेल्वेचे पॉइंट्समन मयूर शेळके यांनी दाखवलेल्या हिंमतीबाबत रेल्वे प्रशासनाकडून मयूर शेळके याला 50 हजार रुपयांचे बक्षीस दिले. त्यापैकी 25 हजार रुपये त्याने त्या अंध महिलेला दिले. त्यामुळे धाडसाबरोबर या देवदूताकडून माणुसकीचे दर्शनही घडल्याचे पाहवयास मिळाले आहे.

देवदूताला धाडसापायी मिळाली जावा बाईक

जावा हिरोजच्या धोरणानुसार क्लासीक लीजेंडचे प्रमुख अनुपम थेरजा यांच्याकडून मुयर शेळके याला नवीन जावा बाईक गिफ्ट देण्यात आली. तर महिंद्रा ग्रुपचे प्रमुख आनंद महिंद्रा यांनीही मयूर शेळकेचे कौतुक केले. मयूर यांच्याजवळ खास ड्रेसकोड किंवा टोपी नाही, तरीही मयूर यांनी सुपरहिरोच्या तुलनेत अधिक धाडसी काम केले, अशा शब्दात आनंद महिंद्रा यांनी त्याचे कैतुक केले. तर मुख्यमंत्री उद्धव ठाकरे यांनीही मयूरच्या धाडसाचे कौतुक करत, त्याला फोन करून शुभेच्छा देत, आपण केलेले काम अतुलनीय असल्याचे म्हटले आहे.

अंधमातेच्या मागणीला यश

ज्या अंध मातेच्या बाबतीत ही घटना घडली त्या मातेनेही मयूरच्या धाडसाचे कौतुक केले. मयूर शेळकेमुळेच आज माझा मुलगा माझ्याजवळ आहे. मयूर यांना एखादा पुरस्कार आणि गिफ्ट देऊन त्यांचा सन्मान करावा, अशी मागणी संगीता शिरसाट या अंध मातेने केली होती. या अंधमातेच्या मागणीला यश आले असून मयूर यांच्यावर शुभेच्छांसह बक्षीसांचा वर्षाव होत आहे. एशियन इंस्टीट्यूट ऑफ ट्रान्सपोर्ट डेव्हलपमेंटकडूनही शेळके यांना 50 हजार रुपयांचं बक्षीस देण्यात येणार आहे. अंध माता असलेल्या संगीता यांनी मयूर शेळकेंचे आभार व्यक्त करत त्यांच्यासाठी प्रार्थना केली आहे.

मुलांच्या शिक्षणात हातभार लागावा

या बक्षिस रकमेतील अर्धी रक्कम मयूरने त्या अंध मातेला देण्याचे जाहीर करून आपल्यातील माणूसकी दर्शन घडविले आहे. ही महिला अंध असून गरीब कुटुंबातील आहे. त्यामुळे मुलाच्या शिक्षणात हातभार लागावा या हेतूने ही रक्कम देणार असल्याचे मयूरने सांगितले. मयूरच्या या निर्णयाचे सर्वच थरातून कौतुक होत आहे.

हेही वाचा -अंध आईच्या हातून निसटला मुलगा, पडला रेल्वे ट्रॅकवर, पॉइंटमनने वाचवला जीव

हेही वाचा- वांगणी घटनेमुळे रेल्वेच्या सुरक्षा यंत्रणेवर प्रश्नचिन्ह?, व्हिडिओ व्हायरल झाल्यानंतर घेतली कर्मचाऱ्याची दखल