ठाणे -मद्यधुंद डंपर चालकाने चार वाहनांना जोरदार धडक दिल्याची घटना भिवंडी तालुक्यातील अंबाडी-वज्रेश्वरी रस्त्यावर घडली आहे. या अपघातात एका वाहन चालकाचा जागीच मृत्यू झाला आहे, तर चार जण गंभीर जखमी झाले आहेत. यशवंत दत्तात्रय पाटील (रा. दिघाशी) असे मृत्यू झालेल्या चालकाचे नाव आहे. तर, या अपघात चारही वाहनांचे मोठ्या प्रमाणात नुकसान झाले आहे.
ठाण्यात डंपरची ४ वाहनांना धडक
चार वाहनांना दिली धडक
आज सकाळी साडेसहा- सातच्या सुमारास वज्रेश्वरीकडून अंबाडीच्या दिशेने निघालेल्या भरधाव डंपरने एका स्विफ्ट कारसह दोन टेम्पो व एक दुचाकी, अशा चार वाहनांना जोरदार धडक दिली. या अपघातात एका टेम्पोचा चक्काचूर झाला असून, टेम्पो चालक यशवंत पाटील यांचा जागेवरच मृत्यू झाला आहे. तर, या घटनेत चार जण जखमी झाले आहेत.