महाराष्ट्र

maharashtra

ETV Bharat / state

Rape on Minor Sibling : अल्पवयीन बहिण-भावावर प्रियकर-प्रेयसीचा वारंवार बलात्कार - thane latest news

ठाण्यात एक धक्कादायक घटना समोर आली आहे. येथे एका १४ वर्षीय अल्पवयीन मुलावर २३ वर्षीय तरुणीने लैंगिक अत्याचार केला. तर या तरुणीच्या प्रियकराने या पीडित अल्पवयीन मुलाच्या 16 वर्षीय अल्पवयीन बहिणीवर लैंगिक अत्याचार केल्याची घटना समोर आली आहे.

thane crime news
ठाण्यात अल्पवयीन बहिणभावावर बलात्कार

By

Published : Nov 24, 2021, 4:32 PM IST

Updated : Nov 24, 2021, 5:55 PM IST

ठाणे - एका १४ वर्षीय अल्पवयीन मुलावर २३ वर्षीय तरुणीने लैंगिक अत्याचार केला. तर या तरुणीच्या प्रियकराने या पीडित अल्पवयीन मुलाच्या 16 वर्षीय अल्पवयीन बहिणीवर लैंगिक अत्याचार केल्याची घटना समोर आली आहे. हा लैंगिक विकृतीचा धक्कादायक प्रकार कल्याण पूर्वेत उघडकीस आला आहे. या प्रकरणी विकृत तरुण व तरुणी विरोधात कोळशेवाडी पोलीस ठाण्यात विविध कलमासह पोक्सो कायद्याअंतर्गत गुन्हा दाखल करून दोघांना बेड्या ठोकल्या आहेत.

कोळसेवाडी पोलीस ठाण्याचे वरिष्ठ पोलीस निरीक्षक बशीर शेख

आरोपी प्रेयसीच्या सांगण्यावरून प्रियकराचा १६ वर्षीय मुलीवर अत्याचार -

कल्याण पूर्व परिसरात पीडित अल्पवयीन भाऊ बहीण कुटूंबासह राहतात. तर आरोपीही त्याच परिसरात राहत असून 3 महिन्यापूर्वी पीडित १४ वर्षीय अल्पवयीन मुलावर २३ वर्षीय आरोपी तरुणीने अत्याचार केला. त्यांनतर धमकी देऊन सातत्याने पीडित मुलावर ती लैंगिक अत्याचार करीत होती. खळबळजनक बाब म्हणजे आरोपी तरुणी पीडित मुलाची नातेवाईक आहे. आरोपी तरुणी इथेच थांबली नाही तिने तिच्या प्रियकरालाही पीडित मुलाच्या १६ वर्षीय अल्पवयीन बहिणीसोबत लैगिक अत्याचार करण्यास भाग पाडले.

दोघा आरोपींचे अत्याचार असाह्य झाल्याने प्रकार उघडकीस -

गेल्या काही महिन्यांपासून हा प्रकार सुरू होता. त्यातच या दोघा आरोपींची विकृती वाढत होती. अखेर दोन्ही पीडित भावाबहिणीने घरच्यांना व नातेवाईकांच्या मदतीने कोळसेवाडी पोलीस ठाण्यात धाव घेऊन दोघांवर झालेल्या अत्याचाराची माहिती दिली. तर त्यांच्यावर झालेल्या अत्याचाराची व्यथा ऐकून पोलीस सुद्धा स्तब्ध झाले. दुसरीकडे गुन्ह्याचे गांभीर्य ओळखून पोलिसांनी दोघा विकृत आरोपींचा शोध घेऊन त्यांना अटक केली आहे. आज न्यायालयात हजर केले असता आरोपींना पोलीस कोठडी सुनावली आहे. तर या गुन्ह्याचा अधिक तपास कोळसेवाडी पोलीस करीत आहेत.

हेही वाचा -धक्कादायक : सासरच्या छळाला कंटाळून महिला सरपंचाची आत्महत्या; भावाचा आरोप, गुन्हा दाखल

Last Updated : Nov 24, 2021, 5:55 PM IST

ABOUT THE AUTHOR

...view details