सोलापूर - भाजपने माढामधून लढा असे सांगितले तर आपण माढातून लढायला तयार असल्याचे विजयसिंह मोहिते पाटील यांनी स्पष्ट केले आहे. रणजितसिंह मोहिते पाटील हे भाजपमध्ये गेले असले तरी विजयसिंह मोहिते पाटील हे अजूनही राष्ट्रवादी काँग्रेस पक्षातच आहेत. मात्र, भाजपकडून माढामध्ये निवडणूक लढण्यास तयार असल्याचे खुद्द विजयसिंह मोहिते पाटील यांनी बुधवारी माढा दौऱ्यावर आले असता, त्यांनी सूचक विधान केले. माढा लोकसभा मतदार संघातून भाजप पक्षाचा उमेदवार जाहिर झाला नसल्याने माढाच्या उमेदवारीकडे सर्वांचे लक्ष लागले आहे.
विजयसिंह मोहिते पाटील यांचा माढा दौरा बुधवारी २७ मार्च रोजी विजयसिंह मोहिते-पाटील हे माढा दौऱ्यावर आले होते. यावेळी बोलताना विजयसिंह मोहिते-पाटील यांनी पक्षाने संधी दिल्यास मी उभारणार असल्याची प्रतिक्रिया दिली. मोहिते-पाटील यांनी यांनी माजी आमदार धनाजी साठे माजी जिल्हा परिषद सदस्य आनंद कानडे, गुरुराज कानडे यांची देखील भेट घेतली. यावेळी भाजपचे जिल्हा उपाध्यक्ष दादासाहेब साठे, स्वाभिमानी आघाडीचे शिवाजी कांबळे, प्रहारचे अतुल खुपसे, भाजपचे जिल्हा उपाध्यक्ष दादासाहेब साठे यांच्यासह विजयसिंह मोहिते पाटील यांचे समर्थक उपस्थित होते. दारफळ सिना येथील महादेव उबाळे या शेतकऱ्याने विष प्राशन करुन आत्महत्या केली होती. त्यांच्या घरी जाऊन मोहिते पाटील यानी सात्वंन केले.
