सर्वोच्च न्यायालयाचा आरक्षण रद्दचा निर्यण येताच मराठा समाज संतप्त, सोलापुरात आंदोलन

मराठा आरक्षण सर्वोच्च न्यायालयाने रद्द केले. त्यामुळे मराठा बांधव संतापले आहेत. सोलापुरात सकल मराठा समाजाच्या वतीने आंदोलन करण्यात आले. यावेळी पोलिसांनी धरपकड केली. तर सकल मराठा समाजाचे समन्वयक माऊली पवार आणि भाऊसाहेब रोडगे यांना पोलिसांनी ताब्यात घेतले.

सोलापूर - मराठा आरक्षण सर्वोच्च न्यायालयाने रद्द केले. त्यामुळे राज्यातील मराठा बांधव संतप्त झाले आहेत. मराठा समाजातील कार्यकर्त्यांनी सोलापुरात आंदोलन केले. यावेळी पोलिसांनी धरपकड केली. सोलापुरात आंदोलनापूर्वी मराठा समाजाच्या आंदोलकांना पोलिसांनी ताब्यात घेऊन गुन्हा दाखल केला आहे. सर्वोच्च न्यायालयाच्या निकालाविरोधात आज (5 मे) सोलापुरात आंदोलन करण्यासाठी आलेल्या सकल मराठा समाजाचे समन्वयक माऊली पवार आणि भाऊसाहेब रोडगे यांनाही पोलिसांनी ताब्यात घेतले. सोलापूर येथील छत्रपती शिवाजी चौकात मराठा समाजातील कार्यकर्त्यांनी आंदोलन करण्याचा प्रयत्न केला.

सर्वोच्च न्यायालयाकडून आरक्षण रद्द

मराठा आरक्षणाबाबत सर्वोच्च न्यायालयात आज अंतिम सुनावणी झाली. महाराष्ट्र सरकारने दिलेले मराठा आरक्षण सर्वोच्च न्यायालयाने रद्द केले. न्या. अशोक भूषण, न्या. एल. नागेश्‍वरराव, न्या. एस. अब्दुल नाझीर, न्या. हेमंत गुप्ता आणि न्या. एस. रवींद्र भट यांच्या घटनापीठाने हा निर्णय दिला. राज्यातील सामाजिक आणि शैक्षणिकदृष्ट्या मागास प्रवर्ग आरक्षण कायद्याच्या एसईबीसी वैधतेला आव्हान देणाऱ्या याचिकेवर सर्वोच्च न्यायालयाने सुनावणी अंतिम सुनावणी करताना हा निर्णय दिला.

निर्णय येताच मराठा समाजात संतापाचे वातावरण

सर्वोच्च न्यायालयाकडून मराठा आरक्षण रद्दचा निर्णय येताच संपूर्ण महाराष्ट्रातील मराठा समाजामध्ये संतापाचे वातावरण निर्माण झाले आहे. सोलापुरात सकल मराठा समाजाचे समन्वयक माऊली पवार यांनी छत्रपती शिवाजी महाराजांच्या पुतळ्यासमोर आंदोलन करण्याचा प्रयत्न केला. त्यावेळी त्यांना पोलिसांनी ताब्यात घेतले. यावेळी माऊली पवार यांनी घोषणाबाजी करत सर्वोच्च न्यायालयाचा निषेध व्यक्त केला.

हेही वाचा -मराठा आरक्षण : सरकार आणि वकिलांमध्ये समन्वय दिसला नाही - फडणवीस

हेही वाचा -कोरोनाचे दुष्परिणाम - डोळे आणि दातांच्या समस्या उद्भवू शकतात