सोलापूर - झोप लागल्याने स्कॉरपीओ गाडीवरील नियंत्रण सुटल्याने ती झाडाला धडकली. यामध्ये तिघांचा जागीच मृत्यू झाल्याची घटना रवीवार (दि. 16 जानेवारी) रोजी घडली. (The Car Crashed Into a Tree While Falling Asleep) ही घटना सोलापूर विजयपूर रोडवर तेरामैल औराद परिसरात घडली. किशोर अण्णाराव भोसले (वय वर्षे 45, राहणार सळई मारुती, उत्तर कसबा सोलापूर), नितीन भगवान भांगे (वय 32 रा. निराळे वस्ती सोलापूर), (Accident On Solapur Road) व्यंकटेश राम म्हेत्रे (वय 45 रा. मोदी सोलापूर) अशी मृतांची नावे आहेत.
जखमी समजून उपचारासाठी दाखल
सोलापूर विजयपूर महामार्गवरील तेरा मैल याठिकाणी रविवारी पहाटे पावणे चारच्या सुमारास (एम.एच.13 झेड 9909), स्कॉर्पिओ गाडीतून औराद ते सोलापूर येथे येत असताना तेरा मैल जवळ वकील वस्ती येथे झाडाला गाडी धडकल्याने तिघेही जखमी झाले. उपचारासाठी त्यांचा मित्र संभाजी जुगदार याने त्यांना उपचारासाठी सिव्हिल हॉस्पिटल येथे दाखल केले असता उपचारापूर्वीच त्यांचा मृत्यू झाल्याची माहिती डॉक्टरांनी दिली.