सोलापूर -येथील सोलापूर-विजापूर महामार्गावर सीना नदीचे पाणी आल्याने हा महामार्ग बंद करण्यात आला आहे. तर हतुर गावाजवळील वडकबाळ पुलावरही मोठ्या प्रमाणात पाणी आल्याने राष्ट्रीय महामार्गावरील वाहतूक बंद करण्यात आली आहे, अशी माहिती वाहतूक पोलीस निरीक्षक संतोष काणे यांनी दिली.
सोलापूर-विजापूर महामार्गावरली वाहतूक रोखण्यात आल्याची माहिती देताना वाहतूक शाखेचे पोलीस निरीक्षक संतोष काणे
उजनी धारणातील पाण्याचा मोठा विसर्ग झाल्याने भीमा आणि सीना या दोन नद्यांना देखील पूर आला आहे. दोन्ही नद्या सोलापूर शहराच्या 25किमी दूरवरून वाहतात. या नद्यांवरून सोलापूर-विजापूर महामार्ग जातो. गुरुवारी रात्रीपासून सीना नदीच्या पाणी पात्रात वाढ झाल्याने हळूहळू पाणी पुलावर येत होते. शुक्रवारी सकाळी भरपूर पाणी वडकबाळ येथील पुलावर आल्याने नागरिकांनी याबाबत पोलिसांना माहिती दिली. यानंतर वाहतूक शाखेचे पोलीस निरीक्षक संतोष काणे यांनी घटनास्थळी धाव घेत वाहतूक रोखली.