15 दिवसानंतर सोलापुरात पावसाची हजेरी, खरिपाच्या कामाला वेग

शहरासह जिल्ह्यात आज (बुधुवार) दुपारी साडेतीनच्या सुमारास पावसाला सुरूवात झाली. मागील पंधरा दिवसापासून पावसाने दडी मारली होती. आता तब्बल 15 दिवसानंतर पाऊस पडत असल्याने खरिपाच्या पेरणीला वेग येणार आहे.

सोलापूर - शहरासह जिल्ह्यात आज (बुधुवार) दुपारी साडेतीनच्या सुमारास पावसाला सुरूवात झाली. मागील पंधरा दिवसापासून पावसाने दडी मारली होती. आता तब्बल 15 दिवसानंतर पाऊस पडत असल्याने खरिपाच्या पेरणीला वेग येणार आहे.

सोलापूर शहर व जिल्ह्यात आज दुपारपासून पावसाला सुरुवात झाली. तब्बल 15 दिवसांनंतर सोलापूर शहर व जिल्ह्यात पाऊस सुरु झाला आहे. जूनच्या मध्यावर पाऊस पडल्यानंतर पंधरा दिवसाच्या उघडीनंतर आज पुन्हा एकदा पावसाला सुरूवात झाली आहे.

15 दिवसानंतर सोलापुरात पावसाची हजेरी, खरिपाच्या कामाला मिळणार वेग

सोलापूर जिल्ह्यातील शेतकरी हा खरिपाच्या पेरणीसाठी चांगल्या पावसाच्या प्रतीक्षेत होता. सुरूवातीला झालेल्या पावसावर काही शेतकऱ्यांनी पेरणी केली होती. मात्र, सोयाबीनचे बियाणे निकृष्ट दर्जाचे निघाल्याने शेतकऱ्यांना दुबार पेरणी करावी लागली होती. पावसाच्या आशेवर काही शेतकऱ्यांनी दुबार पेरणी केली होती. तर काही शेतकरी हे पावसाची वाट पाहत होते. अशा वेळी आज सुरू झालेला पाऊस हा शेतकऱ्यांसाठी खरिपाच्या पेरणीला पुन्हा एकदा सुरुवात करून देणारा ठरणार आहे.

सोलापूर जिल्हा रब्बीचा जिल्हा म्हणून ओळखला जात होता. मात्र, मागील आठ वर्षापासून जिल्ह्यामध्ये खरीप पिकाचे क्षेत्र मोठ्या प्रमाणावर वाढले आहे. बार्शी, करमाळा, उत्तर सोलापूर दक्षिण सोलापूर तसेच अक्कलकोट, मोहोळ या तालुक्यांमध्ये सोयाबीनचे क्षेत्र मोठ्या प्रमाणावर वाढले आहे. त्यामुळे कधीकाळी रब्बीचा जिल्हा म्हणून ओळख असलेला सोलापूर जिल्हा खरिपासाठी ओळखला जाऊ लागला आहे. तब्बल पंधरा दिवसानंतर पावसाने हजेरी लावल्यामुळे पुन्हा एकदा शेतातील खरिपाच्या कामाला वेग मिळणार आहे.