पंढरपूर (सोलापूर) -अल्पदरात डिजे व ऍम्प्लिफायर मिळवून देतो म्हणून फसवणूक करून लूटणाऱ्या व अडीच वर्षांपासून फरार असलेल्या अट्टल गुन्हेगारास तालुका पोलिसांनी अटक केली आहे. सचिन काळे, असे त्या आरोपीचे नाव आहे. मागील अडीच वर्षांपासून सचिन काळे हा फरार होता.
माहिती देताना उपविभागीय पोलीस अधिकारी
अल्पदरात डिजे व ऍम्प्लिफायर मिळवून देतो म्हणून आमिष दाखवून लूट
2019 साली पंढरपूर तालुक्यातील पुळूज येथे डीजे व ऍम्प्लिफायर मिळवून देतो, असे आमिष दाखवून पुळूज गावात एकास बोलून घेतले. त्यानंतर लुटमार करण्याच्या उद्देशाने काही जणांनी मिळून चाकू, कोयते व लाटी याचा धाक दाखवून तक्रारदारस लुटले होते. त्यानंतर तक्रारदाराने पंढरपर तालुका पोलीस ठाण्यात तक्रार दिली होती. सर्व आरोपींविरोधात मोक्का अंतर्गत गुन्हा दाखल करण्यात आला होता.