सोलापूर -नाताळाच्या सुट्ट्या असल्यामुळे पंढरपुरातील विठ्ठल-रुक्मीणी मातेच्या दर्शनासाठी भाविकांच्या संख्येत वाढ झाली आहे. त्यामुळे सर्व भक्तांना लवकर दर्शन घेता यावे यासाठी मंदिर समितीने दर्शनासाठीची ऑनलाईन बुकींग बंद करण्यात आली आहे. येत्या २ जानेवारी २०२० पर्यंत ही बुकींग बंद असणार आहे.
पंढरपुरात भाविकांची गर्दी,
नाताळनिमित्त पंढरपूरमध्ये दर्शनासाठी येणाऱ्या भाविकांची संख्याही वाढली आहे. मंदिर परिसर, चंद्रभागा वाळवंट, नगरप्रदक्षिणा मार्ग भाविकांनी गजबजून गेला आहे. नाताळ सणाच्या काळात अनेकजण सुट्टी काढून पर्यटन तसेच धार्मिक स्थळांना भेटी देत असतात. दक्षिण काशी म्हणून ओळखल्या जाणाऱ्या पंढरपूर शहरात राज्य-परराज्यातून दर्शनासाठी भाविक दाखल झाले आहेत.