टिपरच्या धडकेत एकाचा मृत्यू, सोलापूरच्या आसरा चौकातील घटना

भरधाव टिपरने दिलेल्या धडकेत एकाचा जागीच मृत्यू झाला आहे. ही घटना शहरातील आसरा चौक परिसरात घडली.

सोलापूर- भरधाव टिपरने धडक दिल्यामुळे एकाचा जागीच मृत्यू झाला आहे. दुचाकीवरून जाणाऱ्या या आय. जे. कांबळे या निवृत्त कर्मचाऱ्याचा जागीच मृत्यू झाला आहे. शहरातील होटगी रोड वर दुपारच्या सुमारास ही घटना घडली आहे.

सोलापूर शहरातील होटगी रोड हा महत्वाचा आणि जास्त वाहतूक असलेला रस्ता आहे. या रस्त्यावर आसरा चौकाजवळ दुपारच्या सुमारास अपघात झाला. भरधाव वेगात येणाऱ्या टिपरने एका दुचाकीला जोरात उडविले. या अपघातामध्ये दुचाकीवरील कांबळे हे जागीच ठार झाले आहेत.

या अपघातानंतर आसरा चौकातील व परिसरातील वाहतूक काही काळ विस्कळीत झाली होती. नंतर ही वाहतूक सुरळीत करण्यात आली.

हेही वाचा - 'माजी विद्यार्थ्यांच्या निधीतून दरवर्षी तीनशे विद्यार्थ्यांना बक्षीस'