पंढरपूर -पंढरपूर शहरात नगरपालिका निवडणुकीचे वारे वाहू लागले ( Pandharpur Municipality Election ) आहे. त्यातच आता पंढरपुरच्या सर्व माजी आमदारांच्या पुतळ्यावरुन राजकारण तापले आहे. नगरपालिकेने सर्व माजी आमदारांचे पुतळे उभारण्याचा ठराव मंजूर केला आहे. त्याविरोधात सर्वपक्षीय नेत्यांनी नगरपालिकेवर मोर्चा काढला ( Opposition morcha On Municipality Pandharpur ) आहे. त्यामुळे शहरात पुतळ्याचे राजकारण सुरु झाले आहे.
नगरापालिकेवर परिचारक गटाची एकहाती सत्ता होती. येत्या दोन महिन्यांत पंढरपूर नगरपरिषदेची निवडणूक पार पडणार आहे. त्यामुळे नगरपालिकेवर सध्या प्रशासकांची नेमणूक करण्यात आली आहे. प्रशासक नेमणूक होण्यापुर्वी छत्रपती शिवाजी महाराज चौकात पंढपुरातील सर्व दिवगंत आमदारांचे पुतळे उभारण्यासाठी एक मताने मंजुरी दिली होती. मात्र, त्याला सर्वपक्षीयांनी विरोध दर्शवला आहे.